S. Ahmetov tarıf saıasatyn jetildirý baǵytyndaǵy jumystardy jalǵastyrýdy tapsyrdy

Úkimet basshysy Tabıǵı monopolııalardy retteý agenttigi men tabıǵı monopolııalar sýbektilerinen halyq arasynda túsindirý jumystaryn baıyppen júrgizýdi qatań júktedi.

«Men adamdar túsinbeıdi ne bolmasa bilmeıdi degenge esh ýaqytta da senbeımin. Tarıf máselesi barlyq adamǵa qatysty. Olar aı saıyn esep túbirtegin alady ári kommýnaldyq qyzmetterge tólem jasaıtyn kez kelgen adal adam ony baıyppen qarap, tarıftiń árbir ósimin biledi», - dedi ol.

S.Ahmetovtiń atap ótýinshe, túsindirý jumystaryna adamdarmen kúndelikti tyǵyz baılanysta bolatyn páter ıeleri kooperatıvteri de belsendi atsalysýy tıisti.

«Ekonomıka jáne bıýdjettik josparlaý mınıstrligine TMRA-men jáne basqa da múddeli organdarmen jumys toby aıasynda qaýymdastyqtardyń qatysýymen óńirlerdi keńinen taqylaý ótkizý jumystaryn jalǵastyrýdy tapsyramyn. Biz tarıf saıasaty júıesin jetildirý boıynsha usynystar jınap, olardy qyrkúıek aıynda shyǵarýymyz kerek», - deli Premer-Mınıstr.