S.Ahmetov sý tasqyny qaýpi joǵary óńirlerdegi gıdroqurylǵylardyń jaı-kúıine turaqty monıtorıng júrgizýdi tapsyrdy

«Qorshaǵan orta jáne sý resýrstary mınıstrligine ásirese sý tasqyny qaýpi joǵary óńirlerdegi gıdroqurylǵylardyń jaı-kúıine turaqty monıtorıng júrgizýdi tapsyramyn»,- dedi Úkimet basshysy. S.Ahmetov oblystardyń, Astana men Almatynyń ákimderine eldi mekenderdiń qaýipsizdigin qamtamasyz etýde qosymsha sharalar qabyldaý qajettigin eskertti. «Sondaı-aq sý tasqyny oryn alǵan jaǵdaıda áreket etý jáne qaýipsiz jerge kóshý týraly erejeni halyq arasynda túsindirý jumystaryn jalǵastyrý qajet. Jalpy baqylaý men monıtorıngti Premer-Mınıstrdiń birinshi orynbasary Baqytjan Saǵyntaevqa tapsyramyn»,- dedi ol.