S. Ahmetov «Óńirlerdi damytý» baǵdarlamasyna aýyldyq jerlerdi damytýǵa arnalǵan jeke bólimdi qosýdy tapsyrdy
«Aýyldaǵy ınfraqurylymdy damytýǵa baılanysty birqatar jumystar atqarylyp jatyr. Osyǵan baılanysty aıtylǵan usynystardy qoldaı otyryp, mynandaı tapsyrma beremin: Óńirlik damý mınıstrligi tıisti memlekettik organdarmen jáne oblys ákimderimen birlesip bıylǵy 1 qarashaǵa deıin «Óńirlerdi damytý» baǵdarlamasyna ózgerister engizip, oǵan «Aýyldyq aýmaqtardy damytý» degen jeke bólimdi qossyn. Jańadan saılanǵan ákimder men jergilikti ózin-ózi basqarý memlekettik fýnktsııalardy qaıta bólý máseleleri boıynsha ádistemelik jáne túsindirý jumystary jalǵastyrylsyn», - dedi S. Ahmetov.
Sonymen qatar ol jańa saılanǵan ákimderdiń tıimdi jumys isteýi úshin barlyq jaǵdaı jasalǵandyǵyn, sondyqtanda aýyldardyń budan ári qaraı damýyn ákimderdiń naqty jumys nátıjesine baılanysty ekendigin atap ótti.
«Bul máselege Úkimet tarapynan nazar aýdaryp, júıeli jumys jasaýdamyz. Búgingi tańda damýǵa tirek bolatyn 516 aýyl belgilendi. «Agroónerkásip» kesheni baǵdarlamasy aıasynda aýyl turǵyndary jumyspen qamtylýda», - dep túıdi Premer-Mınıstr.
