S. Ahmetov: Kólik qozǵalysy salasynda zańnamany kúsheıtý - keıin jol-patrýldik qyzmetinde jemqorlyqtyń artýyna alyp kelýi múmkin
ASTANA. 12 qarasha. QazAqparat - Premer-Mınıstr Serik Ahmetovtiń paıymynsha kólik qozǵalysy salasynda zańnamany kúsheıtý - keıin jol-patrýldik qyzmetinde jemqorlyqtyń artýyna alyp kelýi múmkin. Bul týraly ol búgin Úkimet otyrysynda aıtty.
«Qazirgi kezde belsendi engizilip jatqan zańnama arqyly jaýapkershilikti kúsheıtý - keıinnen QR Іshki ister mınıstrliginiń jol-patrýldik qyzmetinde jemqorlyqtyń artýyna alyp kelmeı me?», - dep qoıǵan S. Ahmetovtiń saýalyna QR ІІM basshysy Qalmuhanbet Qasymov bul baǵytta tehnıkalyq qadaǵalaýǵa basa nazar aýdarylatyndyǵyn jetkizdi. Úkimet basshysy júrgizýshiler kýáliginen aıyrylmaý úshin jol ınspektoryna kez kelgen aqsha kólemin usynýǵa daıyn bolatyndyǵyn sóz etti. «Atap aıtqanda, jol-kólik oqıǵalaryn qysqartý úshin zańnamany kúsheıtý bir másele. Al, sondaı-aq jemqorlyqqa qarsy turý qalaı iske asyrylady. Óıtkeni, jol-patrýldik qyzmetkeri tarapynan jemqorlyq belgileri arta túsýi yqtımal», - dep túıdi S. Ahmetov. Sóz sońynda Premer-Mınıstr Іshki ister mınıstrligine bul baǵytta tıisti usynystar engizýdi tapsyrdy.
