S.Ahmetov QOQM-ǵa 1 qyrkúıekke deıin 2014-2015 jyldarǵa arnalǵan kvotalardy bólýdiń Ulttyq josparyn ázirleýdi tapsyrdy
ASTANA. 11 maýsym. QazAqparat - Búgin Úkimettiń selektorlyq rejimdegi otyrysynda Premer-Mınıstr Serik Ahmetov Qorshaǵan ortany qorǵaý mınıstrligine 1 qyrkúıekke deıin 2014-2015 jyldarǵa arnalǵan kvotalardy bólýdiń Ulttyq josparyn ázirleýdy tapsyrdy.
«Bizderge zańnamalyq bazany jetildirip, 2014-2015 jyldarǵa arnalǵan kvota bólýdiń Ulttyq josparyn ázirleý qajet. Aıtylǵan eskertýler men usynystardy eskere otyryp, Qorshaǵan ortany qorǵaý mınıstrligine basqa da múddeli memlekettik organdarmen birlesip, qaýymdastyqtardy tarta otyryp, eki aılyq merzimde Úkimetke parnıkti gazdar shyǵaryndylaryn retteý salasyndaǵy zańnamalardy jetildirý boıynsha usynys engizýdi jáne 1 qyrkúıekke deıin Úkimetke 2014-2015 jyldarǵa arnalǵan kvotalardy bólýdiń Ulttyq josparyn ázirlep, engizýdi tapsyramyn», - dedi.
Sonymen qatar Úkimet basshysy Statıstıka agenttigine kvota bólý jáne shyǵaryndylarǵa kvota satý júıelerine kásiporyndardyń tolyq qosylýyn saraptap, sáıkes aqparatty Úkimetke jiberýdi tapsyrdy.
«Samuryq-Qazyna» Qorshaǵan ortany qorǵaý mınıstrligimen birlesip, 2015 jylǵa deıin qor toby kompanııalaryn parnıkti gazdar shyǵaryndylaryn basqarý júıesine engizýdi qamtamasyz etsin», - dedi S.Ahmetov.
