S.Ahmetov aýyl sharýashylyǵy ónimderin qaıta óndeý salasyn damytýǵa arnalǵan baǵdarlamany keri qaıtardy
ASTANA. 8 qazan. QazAqparat - Búgin Úkimet otyrysynda elimizdiń aýyl sharýashylyǵy ónimderin qaıta óńdeý salasyn damytý máseleleri talqylanyp,
QR Premer-Mınıstri Serik Ahmetov atalǵan qujatty taǵy bir márte túzetý úshin Aýyl sharýashylyǵy mınıstrligine qaıtardy.
Úkimet basshysynyń atap ótýinshe, qaıta óńdeý salasyn damytýdaǵy negizi baǵyttar «Agrobıznes-2020» baǵdarlamasynda aıqyndalǵan. Atalǵan qujatqa sáıkes óńdeý salasyn damytý úshin 2020 jylǵa deıin tek memleket tarapynan qoldaýǵa 130 mlrd. teńge qarastyrylǵan.
«Salalyq baǵdarlamalardy júzege asyrý úshin ázirlengen sheberlik josparynda naqty qoldaý sharalary, qajetti qarjynyń jyl saıynǵy kólemi barynsha tyńǵylyqty jazylǵan. Salaaralyq úılestirý máseleleri keshendi jospar aıasynda kórinis tabýy ári sheshilýi tıis», - dedi S.Ahmetov.
Osy rette Úkimet basshysy Aýyl sharýashylyǵy mınıstrligine óńir ákimdikterimen jáne múddeli memlekettik organdarmen birlesip, búgingi usynystar men eskertýlerdi eskere otyryp, baǵdarlamany túzetip, qabyldanǵan sheshimderdiń júzege asyrylýyn qamtamasyz etýdi tapsyrdy. «Meniń oıymsha, taǵy bir apta berý qajet. Sheberlik josparyn jáne sáıkesinshe keshendi jospardy túzetip, qabyldaý qajet», - dedi ol.
