S. Ahmetov «Astana - Býrabaı» avtobanynyń kemshiligin atady
ASTANA. 21 mamyr. QazAqparat - Búgin Úkimet otyrysynda Premer-Mınıstr Serik Ahmetov elimizdegi jańa avtojoldardyń qurylysy kemshiliksiz bolýyn tapsyrdy.
Úkimet basshysy Astana men Býrabaı aralyǵyndaǵy avtoban turǵysynda aıta kele, «Bul másele jobaǵa qatysty bolyp otyr. «Astana-Býrabaı» jolynyń qurylysy kezinde qar toqtatý sharalary nege qarastyrylmaǵan? ıAǵnı, jobada jappaı kógaldandyrý, sondaı-aq qardy toqtatýdyń qoldan jasalǵan qurylǵylary eskerilmegen»,-dedi.
Osy oraıda S. Ahmetov qardyń túsýi ár jyly ár qalaı bolatynyn jáne avtoban paıdalanýǵa berilgennen keıingi tórtinshi jyly, naqty aıtqanda, bıylǵy naýryzda qardyń qalyńdyǵy jol ústinde 4 metrge deıin jetkendigin eske salyp ótti.
Bul másele boıynsha qalyń qar biraz ýaqyt memleketaralyq joldy basyp qalǵandyǵyn synǵa aldy. «Sondyqtanda, tyńǵylyqty zerdelep qarańyzdar. Avtobıldik jańa joldardy ásirese, halyqaralyq mańyzdaǵy joldardy josparlaý kezinde barlyǵyn eskerý kerek»,-dep túıdi Premer-Mınıstr.
