S.Ahmetov Áleýmettik kómek kórsetýdiń, onyń mólsherlerin belgileýdiń jáne muqtaj azamattar sanattarynyń tizbesin aıqyndaýdyń qaǵıdalaryn bekitti

ASTANA. 10 shilde. QazAqparat - QR Úkimetiniń basshysy Serik Ahmetovtiń qaýlysymen Áleýmettik kómek kórsetýdiń, onyń mólsherlerin belgileýdiń jáne muqtaj azamattardyń jekelegen sanattarynyń tizbesin aıqyndaýdyń úlgilik qaǵıdalary bekitildi.

* * *

Qazaqstan Respýblıkasy Úkimetiniń qaýlysy №504

2013 jylǵy 21 mamyr, Astana, Úkimet Úıi

Áleýmettik kómek kórsetýdiń, onyń mólsherlerin belgileýdiń jáne muqtaj azamattardyń jekelegen sanattarynyń tizbesin aıqyndaýdyń úlgilik qaǵıdalaryn bekitý týraly

Qazaqstan Respýblıkasynyń Úkimeti qaýly etedi:
1. Qosa berilip otyrǵan Áleýmettik kómek kórsetýdiń, onyń mólsherlerin belgileýdiń jáne muqtaj azamattardyń jekelegen sanattarynyń tizbesin aıqyndaýdyń úlgilik qaǵıdalary (budan ári - Úlgilik qaǵıdalar) bekitilsin.
2. Jergilikti atqarýshy organdar osy qaýly qoldanysqa engizilgen kúnnen bastap bir aı ishinde Úlgilik qaǵıdalarǵa sáıkes áleýmettik kómek kórsetý, onyń mólsherlerin belgileý jáne muqtaj azamattardyń jekelegen sanattarynyń tizbesin aıqyndaý qaǵıdalaryn ázirlesin jáne jergilikti ókiletti organdarǵa bekitýge usynsyn.
3. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.

Qazaqstan Respýblıkasynyń Premer-Mınıstri S. Ahmetov.

Qujattyń tolyq mátini