S.Ahmetov Agroónerkásip keshenin damytý boıynsha birqatar mindetter júktedi
«Mańyzdy baǵdarlama qabyldandy. Memleket basshysy elimizdiń aýyl sharýashylyǵyn aýqymdy jańǵyrtýdyń qajettiligin atap ótken bolatyn. Onyń alǵashqy qadamy - Agroónerkásip keshenin damytýdyń jańa baǵdarlamasyn qabyldaý bolýy tıis edi. Búgin biz bul mańyzdy tapsyrmany oryndadyq», - dedi S. Ahmetov.
Osy rette Úkimet basshysy Aýyl sharýashylyǵy mınıstrligine basqa da memlekettik múddeli organdarmen birlesip bir aıdyń ishinde naqty maqsatty ındıkatorlar jetistikteri men jyldyq kórsetkishteri kórsetilgen baǵdarlamanyń árbir baǵyty boıynsha sheberlik josparyn ázirleýdi tapsyrdy. Sondaı-aq, vedomstvoaralyq jumys tobyn qurý mindetteldi.
«Baǵdarlamany júzege asyrý barysynda týyndaıtyn Salalyq sheberlik josparlary máselelerin sheshý boıynsha vedomstvolyq komıssııa qurý qajet bolady», - dedi Úkimet basshysy.
Premer-Mınıstrdiń atap ótýinshe, baǵdarlama múmkindikteri árbir aýylsharýashylyq qurylymdaryna qol jetimdi bolýy tıis. Sondaı-aq budan Sheberlik josparlarynyń oryndalýyna baqylaý jasaıtyn úkimettik emes uıymdar da tys qalmaýy tıis.
Baǵdarlamanyń júzege asyrylý barysyn úılestirý Premer-Mınıstrdiń birinshi orynbasary Baqytjan Saǵyntaevqa júkteldi.
