S. Abdrahmanov Májilistegi QHA depýtattyq tobynyń jetekshisi boldy

ASTANA. QazAqparat - Búgin Májiliste «Qazaqstan halqy Assambleıasy» depýtattyq tobynyń alǵashqy uıymdastyrý otyrysy ótti. Onyń barysynda altynshy saılanǵan Parlament Májilisindegi «Qazaqstan halqy Assambleıasy» depýtattyq tobyn qurý máselesi talqylandy.

Sonymen qatar, depýtattyq toptyń jetekshisi bolyp Saýytbek Abdrahmanov, onyń orynbasary ıÝrıı Tımoşenko, al hatshysy bolyp Natalıa Jumadildaeva saılandy.

«Parlament bolǵan soń Úkimet jumysyna bir fraktsııa qanaǵattanyp, ekinshisi qanaǵattanbaı jatady. Fraktsııalardyń pikirleri ár túrli, árıne. Alaıda, eldegi birlik, kelisim, dinder arasyndaǵy, ulttar arasyndaǵy tatýlyq - barlyq fraktsııa úshin basymdyq bolýy kerek. Bizdiń kúndelikti ómirimizdiń basty máselesi - osy», - dedi áriptesteriniń senimi úshin rızashylyǵyn bildirgen S.Abdrahmanov.

QHA tobyna 31 depýtat múshe bolyp otyr. Onyń 9-y Assambleıadan bolsa, 17 depýtat «Nur Otan» partııasynan, 3 depýtat Qazaqstan halyqtyq kommýnısteri partııasynan, 2 depýtat «Aq jol» partııasynan múshelikke ótken.

Alǵashqy otyrys barysynda uıymdastyrý máseleleri talqylanyp, depýtattyq top qyzmetiniń negizgi baǵyttary aıqyndaldy.