Rjev qalasynyń №5-shi orta mektebine 100 jáne 101 jeke atqyshtar brıgadasy jaýyngerleri esimi beriledi - Reseıdegi Qazaqstan Elshiligi
ASTANA. 5 sáýir. QazAqparat - 2011 jyldyń 31 naýryzynda Rjev qalalyq dýmasy Reseı Federatsııasyndaǵy Qazaqstan Respýblıkasy Elshiliginiń Rjev qalasyndaǵy №5 orta mektebine 100-shi jáne 101-shi jeke atqyshtar brıgadasy jaýyngerleri esimin berý týraly bastamasyn qoldady,
dep habarlaıdy Reseı elindegi Qazaqstan Elshiliginiń baspasóz qyzmeti.
Tańdaýdyń bul mektepke túsýi kezdeısoqtyq emes. 100-shi jáne 101-shi brıgadalardyń qazaqstandyq jaýyngerleriniń Memorıaldyq kesheni osy mektepke jaqyn ornalasqan, al mekteptiń oqýshylary men muǵalimderi osy eskertkishke qamqorlyq jasap, óz qanatynyń astyna alǵan.
Rjev qalasynyń basshysy Aleksandr Şetının Qazaqstan Respýblıkasynyń Reseıdegi Tótenshe jáne Ókiletti elshisi Zaýytbek Turysbekovty osy ataýly kúnmen quttyqtady. Onyń aıtýynsha, qaza tapqan jaýyngerlerdiń rýhyn máńgige saqtaýǵa arnalǵan sharalar jaqsy dástúrge aınalyp, tarıhı baılanystardy damytyp, óskeleń urpaqty bizdiń elderimiz arasyndaǵy dostyq rýhynda tárbıeleýge septigin tıgizedi.
