Rjev qalasynda qazaqtar men orys jaýyngerleriniń erligine taǵzym etilip eskertkish ashyldy
SANKT-PETERBOR. 20 jeltoqsan. QazAqparat /Elena Mıagkova/ - Rjevta 100-shi jáne 101-shi jeke atqyshtar brıgadalarynyń jaýyngerlerine arnalyp memorıal ashyldy.
Eskertkishtiń saltanatty ashylýyna gýbernator Dmıtrıı Zelenın, RF Qorǵanys mınıstrligi Bas shtaby bastyǵynyń orynbasary Oleg Salıýkov, Qazaqstan Respýblıkasy memlekettik organdarynyń jetekshileri, Tver oblysynyń ókilderi, Uly Otan soǵysynyń ardagerleri qatysty, dep habarlaıdy oblys úkimetiniń baspasóz qyzmeti.
«Eskertkishtiń Rjev jerinde ashylyp otyrǵany beker emes. Іzdeý jumystary kezinde 33 myńǵa jýyq keńes áskerleriniń deneleri tabylyp, qaıta jerlendi. Olardyń arasynda soǵys jyldary Otanyn qorǵaǵan kóptegen baýyrlas halyqtardyń, sonyń ishinde Qazaqstannyń ókilderi bar.
Biz qazaq baýyrlaryn eń qurmetti qonaq retinde qabyldaýǵa árqashan da daıynbyz. Nursultan Nazarbaev bastaǵan qazaq basshylyǵynyń tarıhqa degen tamasha qurmetin bilemiz ári baǵalaımyz. Halyqtarymyzdyń birligi, olardyń ortaq erliginiń qurmetine eskertkishtiń ashylý saltanatynda qazaq jerinen ákelingen kapsýla memorıalǵa qoıyldy», - dep atap ótti Tver oblysynyń gýbernatory Dmıtrıı Zelenın.
