Rjev qalasy mańynan batysqazaqstandyq jaýyngerdiń súıegi tabyldy
Atalmysh top basshysynan Syrym aýdany qorǵanys isteri jónindegi bólimine túsken málimetke qaraǵanda, Korshýnov derevnıasyndaǵy baýyrlastar zıratyna 1903 jyly týǵan, Jympıty áskerı komıssarıatynan shaqyrylǵan Shýndýrov (Shýndırov) Imanquldyń da jerlengeni anyqtalyp otyr. Syrym aýdany qorǵanys isteri jónindegi bóliminiń bastyǵy mindetin atqarýshy, aǵa leıtenant Jumabaı Sataevtyń aıtýynsha, qatardaǵy jaýynger 375-atqyshtar dıvızııasy quramynda 1942 jyly 13 tamyzda qaza tapqan, áıeliniń aty-jóni Shýndýrova (Shýndırova) Lak dep jazylǵan. Qazirgi kezde buryn habarsyz ketkenderdiń qatarynda bolyp kelgen osy jaýyngerdiń týma-týysqandary izdestirilýde. Syrym Datuly atyndaǵy tarıhı-ólketaný mýzeıiniń meńgerýshisi Aınagúl Oıshybaevanyń sózinshe, Imanquldyń Amanqul degen 1906 jyly týǵan inisi de bolǵan.
