«RZA» kásipornyna tutynýshylar rıza - Qyzylorda oblysy
Júzdesýde sóz alǵan «RZA» AQ-nyń prezıdenti Samurat Imandosov kásiporynnyń ótken jyly qol jetkizgen jetistigi jáne alda turǵan maqsattaryn naqtylap kórsetip berdi.
«RZA» AQ ótken jyldyń qorytyndysy boıynsha Qazaqstan Respýblıkasy Prezıdentiniń sapa jónindegi «Altyn sapa» júldesine qol jetkizip, «Halyq tutynatyn taýarlardy shyǵaratyn úzdik kásiporyn» nomınatsııasynda úzdik dep tanylǵan.
2000 jyly óz jumysyn bastaǵan kásiporyn aımaǵymyzdyń áleýmettik-ekonomıkalyq deńgeıin kóterýge zor úlesin qosyp, aýdan boıynsha 1200-den astam adamdy turaqty jumyspen qamtyp keledi.
Qazaqtannyń údemeli-ındýstrııalyq damý baǵdarlamasyn belsendi iske asyrýshy retinde 2010 jyly iri ınvestıtsııalyq jobany qolǵa alǵan kásiporynda, eksportqa baǵyttalǵan sút jáne et ónimderin óndirý boıynsha tıptik jobadaǵy taýarly sút fermasy jáne aýysymyna 30 tonna sút óńdeıtin sút zaýyty salyndy. Vengrııadan 660 bas golshtınofrız asyl tuqymdy qasharlary ákelinip, qazirgi tańda olardyń sany 1600 basqa jetti. Árbir saýyn sıyrdan 8000 lıtr sút saýylyp, jylyna 5 500 tonna sút óndirilýde.
Sonymen qatar, eýropanyń ozyq tehnologııalyq qural-jabdyqtarmen jabdyqtalǵan zaýytta pasterlengen jáne ýltrapasterlengen sút, aıran, qaımaq, irimshik, sary maı, qurt ónimderi shyǵarylady. Sút ónimderi Qyzylorda oblysynyń aýmaǵymen birge Mańǵystaý, Atyraý, Aqtóbe, Batys Qazaqstan oblystarynda satylýda.
Sondaı-aq, kásiporyn dándi daqyldar men mal azyǵy daqyldaryn egý jáne ótkizý maqsatynda 35 myń gektarǵa jýyq jer ýchaskesin ıemdip, jylyna 1 mlrd tenge kóleminde ónim óndirse, onyń ishinde 5 myń tonna aqtalǵan joǵary sapaly kúrish - Reseı, Ýkraına, Belorýssııa, Tájikstan, Túrkimenstan memleketterine eksportqa jiberiledi. Aýyl sharýashylyǵy daqyldaryn óndirýde qýattylyǵy joǵary, bir ýaqytta barlyq tehnıkalyq qyzmetterdi joǵary ári sapaly deńgeıde jasaıtyn Germanııadan shyǵarylǵan «Djon Dır» fırmasynyń tehnıkalaryn paıdalanady.
Buǵan qosa aqtsıonerlik qoǵam eýropalyq standartqa saı qurylǵylarmen jabdyqtalǵan nan, kondıterlik jáne et ónimderin óndirýmen aınalysady.
Negizinen «Rza» aktsıonerlik qoǵamy kóp salaly kásiporyn. Kásiporynnyń taǵy bir qyzmet túri - qurylys-montaj jumystaryn júrgizý, onyń ishinde melıoratıvtik qurylys, turǵyn úı qurylysy, magıstraldyq sý qubyrlaryn júrgizý. Halyqty taza aýyz sýmen qamtamasyz etý maqsatynda 2003 jyldan beri aımaqtyń Aral, Qazaly, Qarmaqshy aýdandarynda qurylys jumystaryn atqaryp keledi.
Jıyn sońynda Samurat Imandosov óz ujymyn jáne barsha qazaqstandyqtardy 2015 jylǵy 26 sáýirde ótetin Qazaqstan Respýblıkasy Prezıdentin saılaýǵa qatysýǵa shaqyrdy.
«Álemdi jaılaǵan halyqaralyq ekonomıkalyq turaqsyzdyq Qazaqstandy da aınalyp ótpedi. Osy oraıda, der kezinde jarııalanǵan «Nurly jol - bolashaqqa bastar jol» Joldaýy - halqymyzdyń ál-aýqaty men damý qarqynyn saqtap qana qoımaı, eseleı túsýge septigin tıgizetin mańyzdy qujat. Memleketimizdiń damý baǵytyn aıqyndap bergen baǵdarlamanyń arqasynda elimizdiń ınfraqurylymyna qan júgirip, óńirlerdiń tynysy keńeıdi. Bıznes-qaýymdastyqqa qamqorlyq jasalyp, turǵyn úı- kommýnaldyq sharýashylyq pen qurylys salasynda tyń jumystar atqarylýda. Júzdegen óndiris oshaqtary iske qosylyp, myńdaǵan azamattarymyz turaqty jumyspen qamtylyp jatyr. Osynyń barlyǵy - memleketimiz ustanǵan ıgi bastamalardyń jemisi.
Biz, Qyzylorda óńirindegi iri kásiporynnyń ujymy - el ekonomıkasyn ilgeriletip, memleketimizdi damytýǵa atsalysý árbir qazaqstandyqtyń azamattyq boryshy dep bilemiz. Osy maqsatta otandastarymyzdy Qazaqstan Respýblıkasy Prezıdentin saılaýǵa belsene qatysýǵa shaqyramyz»,- dedi ol.
