Ryspaevtyń tóbelesteri - 2015 jylǵy QHL oıyndaryndaǵy basty «urystardyń» biri boldy
ASTANA. QazAqparat - Reseılik Championat.com saıty 2015 jylǵy Qurlyqtyq hokkeı lıgasyndaǵy úzdik tóbelesterdi eske túsirdi, olardyń arasynda «Barystyń» tafǵaıy Damır Ryspaev ta bar.
«2015 jylǵy QHL oıyndarynda tynyshtyqty basty buzýshy «Barystyń» tafgaıy Damır Ryspaev boldy, ol kóptegen saıystardy oıdaǵydaı ótkizdi. Biraq ta onyń minez-qulqy jáne urys tásili bárine birdeı jaqpaıdy, biraq ol batyldyǵy jaǵynan eshkimge ese jibermeıdi.
«Tafgaı» degen sózdi qazaqtyń jalpaq tiline salsaq, «tóbeles bastaýshy» degenge keledi. 2015 jylǵy urysta Sankt-Peterbýrgte SKA men «Barys» arasyndaǵy match kezinde Damır Ryspaev pen Evgenıı Artıýhın ustasyp qaldy. Artıýhın jas hokkeıshini birneshe ret salyp jiberdi, biraq Damır de qarap turǵan joq, jaqsylap turyp, bir judyryqty qondyrdy. Kórermender de rıza boldy. Ekeýi de zardap shekken joq.
Damır Ryspaev óz komandasy 0:3 esebimen utylǵan kezinde Vıtalıı Menshıkovpen jaǵalasyp, onyń qasyn jaryp jiberdi. Ryspaev dýlyǵasymen shyqqan bolatyn, al Mennshıkovtiń dýlyǵasy basynan ushyp ketti. Baspasóz máslıhatynda Andreı Nazarov buǵan qatysty «urysta turys joq degen, al dýlyǵaǵa qatysty aıtar bolsam, kim ony jaqsylap bekitse, sol utary sózsiz», dep jaımalady.
Endi birde Ryspaev Perkovıchti muzǵa sulatty. «Barystyń» tafgaıy Damır Ryspaev Natan Perkovıchti dýelge shaqyryp, aqyry sońynda «Medveshchak» forvardyn muzǵa sulatty. Ryspaev 2015 jyly Perkovıchpen eki ret julqysty, alaıda ekinshisinde tóbelesti bastaǵan Damır bolatyn, al qarsylasynyń oǵan qulqy bolmaǵan edi», dep jazady saıt.
