Rysmanovanyń uly ózin-ózi óltirmek bolǵan joq - QR ІІM QAJK
ASTANA. QazAqparat - Elordada QR Bas prokýratýrasy aldynda ózin órtegen Maıra Rysmanovanyń uly da ózin-ózi óltirmek boldy degen aqparat jalǵan.
Bul jaıynda QR ІІM Qylmystyq atqarý júıesi komıtetinen málim etti, dep habarlaıdy QazAqparat.
«Bul fakti asyra silteýshilik. Muny solaı kórsetkisi keletin keıbir adamdar bar. ol (Maıra Rysmanovanyń uly) óz-ózine qol salmaq bolǵan joq. Ol ózine jeńil dene jaraqatyn salyp, oǵan medıtsınalyq kómek kórsetildi. Jaraqat ómirge de, adamnyń densaýlyǵyna da qaýipti emes. Atalǵan fakti boıynsha tergeý amaldary júrgizilýde», - dep habarlady QR ІІM QAJK-den.
Esterińizge sala ketsek, aǵymdaǵy jyldyń 6 jeltoqsany kúni kúndizgi saǵat 12-16-da QR Bas prokýratýrasynyń baqylaý-ótkizý pýnktinde 1968 jyly dúnıege kelgen Maıra Rysmanova ózin-ózi órtep, qalalyq aýrýhanaǵa jetkizilgen. Onyń mundaı qadamǵa barýyna uly E.Ahmetovtiń iri kólemde esirtki saqtady degen aıyppen 4,5 jylǵa sottalýy sebep bolǵan. Búgin Maıra Rysmanova elorda aýrýhanalarynyń birinde qaıtys boldy.
