Rysqulov aýdanynda koronavırýs tabyldy degen aqparat ótirik - Marat Jumanqulov
NUR-SULTAN. QazAqparat - Jambyl oblysynyń Turar Rysqulov aýdanynda koronovırýs shyqty delingen aqparat jalǵan. Bul týraly «Habar 24» telearnasynyń tikeleı efırinen Jambyl oblystyq densaýlyq saqtaý basqarmasynyń basshysy Marat Jumanqulov aıtty, dep habarlaıdy QazAqparat tilshisi.
«Áleýmettik jelilerde, messendjerlerde Turar Rysqulov aýdanynda koronavırýs juqtyrǵan azamattyń anyqtalǵany týraly aqparat tarap júr. Bul málimettiń resmı túrde jalǵan ekendigin aıtym keledi. Osy múmkindikti paıdalanyp, áleýmettik jeliler, messendjer arqyly taraǵan aqparatqa senbeýge shaqyramyn. Eń aldymen aqparat resmı organnan taralýy tıis. Ekinshiden, jalǵan aqparat taratqandarǵa jaýapkershilik kózdelgen. Tipti qylmystyq jaýapkershilik te bar», - dedi basqarma basshysy.
