Rysqalıevtiń qylmystyq tobyna qatysty isti tergeý aıaqtaldy
«QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Jemqorlyqqa qarsy is-qımyl ulttyq bıýrosy Atyraý oblysynyń burynǵy ákimi B.Rysqalıev quryp, basshylyq jasaǵan uıymdasqan qylmystyq topqa qatysty qylmystyq isti sotqa deıingi tergeýdi aıaqtady jáne is materıaldarymen tanysýdyń bastalǵanyn jarııa etti. Sotqa deıingi tergeý barysynda Qazaqstan Respýblıkasynyń aýmaǵynan tysqary jerde júrgen jáne tergeý organdaryn kelýden jaltarǵan Bergeı Rysqalıev men onyń sybaılanystarynyń qylmystyq áreketterin jikteýge múmkindik beretin jetkilikti dálelder alyndy», - delingen aqparatta.
Esterińizge sala ketsek, aǵymdaǵy jyldyń 24 aqpanynda QR Qylmystyq-protsestik kodeksiniń 208-babynyń 1-bóligine sáıkes, kúdiktige jaýap alýǵa shaqyrý qaǵazy jiberilgen bolatyn.
Kúdiktiler Rysqalıev B.S, Rysqalı A.S., Álbaqasov R.S. jáne basqa tulǵalardyń Qazaqstan Respýblıkasy aýmaǵynan syrtta bolǵandyqtan, Sybaılas jemqorlyqqa qarsy qyzmet QR QPK 205-baby 3-bóligine sáıkes, kúdiktilerdiń jaýap alýǵa shaqyrylaty týraly aqparatty buqaralyq aqparat quraldarynda jarııalady. Kúdiktiler 2 naýryz kúni jaýap berýge kelýi tıis edi.
Dál osyndaı habarlandyrý 26 naýryzda qaıta jarııalandy. Biraq, kúdiktiler belgilengen ýaqytta kelmedi jáne kelmeý sebepterin habarlaǵan joq.