Rypakova «Gaýhar lıgadan» nege bas tartty
ASTANA. QazAqparat - Olımpıada oıyndarynyń chempıony Olga Rypakova «Gaýhar lıganyń» fınalyna qatyspaıtyn boldy, dep habarlaıdy QazAqparat.
QR Jeńil atletıka federatsııasynyń baspasóz qyzmetiniń habarlaýynsha, Indonezııa astanasy Djakartada ótetin Azııa oıyndaryndaǵy jeńil atletıka saıystarynyń kúntizbesi men bıylǵy maýsymdaǵy «Gaýhar lıganyń» fınalynyń ýaqyty bir kúnge týra kelip tur. Osyǵan baılanysty Rypakova «Gaýhar lıgadan» bas tartyp, Azııa oıyndaryna qatysýdy jón dep sheshken.
«Gaýhar lıganyń» kúntizbesi 2017 jyldyń qarasha aıynda bekitilip qoıǵan. Áıelder arasyndaǵy úsh qarǵyp sekirý saıysy qosylǵan tórt kezeńniń ýaqyty belgili. Alǵashqy jarys - 12 mamyrda Shanhaıda, sosyn Oslo (8 maýsym), Parıj (30 maýsym) jáne Rabatta (13 shilde) ótedi. Al fınaldy 30 tamyz kúni Shveıtsarııanyń Tsıýrıh qalasy qabyldaıdy.
Azııa oıyndarynda jeńil atletıka saıystarynyń ótetin ýaqytyn uıymdastyrýshylar jaqynda ǵana habarlady. ıAǵnı, 25-30 tamyz kúnderi «sport padıshasynyń» ókilderi synǵa túsedi. Onyń ishinde úsh qarǵyp sekirýden áıelder arasyndaǵy fınal 30 tamyzǵa dál kelip tur. Іrikteý básekesi 29 tamyzda bolady.
Shyǵys Qazaqstan oblystyq jeńil atletıka federatsııasynyń dırektory Denıs Rypakov Olımpıada chempıony osyndaı qıyn tańdaý kezinde Azııa oıyndaryna qatysýdy jón kórgenin aıtyp otyr.
«Amal joq, eki jarystyń bireýin tańdaýǵa týra keledi. Biz oılana kele, Azııa oıyndaryna qatysamyz dep sheshtik. Qurlyq dodasynda el qorjynyna júlde salǵymyz keledi. Negizi Tsıýrıhke barsaq ta, joǵary oryndardyń birine iligýge múmkindigimiz bar. Biraq uıymdastyrýshylardyń eki jarysta bir kúnge qoıǵan qateligi saldarynan tańdaý jasaýǵa májbúr etti, - deıdi D. Rypakov.
Aıta ketsek, QR Jeńil atletıka federatsııasynyń resmı saıty Indonezııa astanasy Djakartada ótetin jazǵy Azıada oıyndaryna qatysatyn jeńil atletterdiń keńeıtilgen tizimin jarııalady.
Foto: NOK RK
