Rypakova atyndaǵy týrnırdiń rekordy jańartyldy
ASTANA. QazAqparat - Óskemen qalasynda jeńil atletıkadan Olımpıada chempıony Olga Rypakovanyń júldesine arnalǵan jabyq keshendegi IV halyqaralyq týrnırde bıiktikke sekirýden Nadejda Dýbovıtskaıa týrnırdiń rekordyn jańartty, dep habarlaıdy QazAqparat QR Jeńil atletıka federatsııasynyń resmı saıtyna silteme jasap.
Bıiktikke sekirý saıysynan erler arasynda negizgi básekelestik almatylyq Roman Loshkarev pen sportqa qaıta oralǵan Sergeı Zasımovıch (ShQO) arasynda órbidi. Qazaqstan chempıonatynda da dál solaı bolǵan. Ekeýi de sońyna deıin bas júldeden úmitti bolǵan. Jeńimpaz tek qosymsha kórsetkishter boıynsha anyqtaldy. Áıtpese, ekeýi de jarysty 2.08 metrmen aıaqtady.
Áıelderden taǵy da semeılik Nadejda Dýbovıtskaıaǵa qarsylas tabylmady. Ol týrnırdiń jańa rekordyn ornatty - 1.84 metr. Dýbovıtskaıa keıinnen 1.88 metrge tapsyrys bergenimen, bul bıiktikti baǵyndyra almady.
Olga Rypakovanyń júldesine arnalǵan halyqaralyq jarys. 20 qańtar. Bıiktikke sekirý, erler:
1. Roman Loshkarev (Qazaqstan) - 2.08;
2. Sergeı Zasımovıch (Qazaqstan) - 2.08;
3. Anton Bodnar (Qazaqstan) - 2.04.
Bıiktikke sekirý, áıelder:
1. Nadejda Dýbovıtskaıa (Qazaqstan) - 1,84 m
2. Elızaveta Matveeva (Qazaqstan) - 1,75 m
3. Aleksandra Krıvıtskaıa (Qazaqstan) - 1,75 m.
