Rymǵalı Nurǵalı - jańa zamandaǵy renessanstyq tulǵa - M. Qul-Muhammed
ASTANA. Maýsymnyń 1-i. QazAqparat /Arman Asqarov/ - Rymǵalı Nurǵalı - jańa zamandaǵy renessanstyq tulǵa.
Lev Gýmılev atyndaǵy Eýrazııa ulttyq ýnıversıtetinde QR UǴA akademıgi, Memlekettik syılyqtyń laýreaty, professor Rymǵalı Nurǵalıdyń týǵanyna 70 jyl tolýyna arnalǵan «Rymǵalı Nurǵalı murasy jáne qazirgi ádebıet pen til ǵylymynyń kókeıkesti máseleleri» taqyrybyndaǵy halyqaralyq ǵylymı-teorııalyq konferentsııada QR Mádenıet mınıstri Muhtar Qul-Muhammed osylaı aıtty, dep habarlaıdy QazAqparat.
«Rymǵalı Nuralı - jańa zamandaǵy renessanstyq tulǵa. Osy Eýrazııa ulttyq ýnıversıteti atyn ıemdengen Gýmılev bir adamnyń sýyrylyp alǵa shyqan úrdisin «passıonarlyq» dep ataǵan. Ol adam qoǵamnyń úlken ıntellektýaldyq kúshterin ózimen birge ertip áketedi. Onyń artynan órkenıettiń dúmpýi oryn alady. Eger biz ejelgi Mysyrdyń, ıa bolmasa, kóne Qytaıdyń tarıhyn alyp qarasaq, ondaı qoǵamdyq qubylystardy kóptep kóre alamyz. Mysaly, Eshıldyń, Evrıpıdtiń, Sofokldyń tragedııalary búkil drammatýrgııany, onyń ishinde tragedııa janryn adam balasy buryn-sońdy bilmegen bıigine kóterdi. Áli kúnge deıin olardyń shyǵarmalary álemniń eń úzdik teatrlarynda adamzat aqyl-oıynyń asyl qazynasy retinde qoıylyp júr. Mine, sol sııaqty qazaqtyń aqyl-oıynda osyndaı úlken qozǵalysty jasaǵan uly Abaı boldy. Sol Abaıdyń týǵan topyraǵynda Rymǵalı Nurǵalı dúnıege kelgen. Onyń fenomenin jáne renessanstyq tulǵa retindegi qupııasyn osy topyraqtan izdeý qajet», - dedi M. Qul-Muhammed.
