Rybın sý qoımasynda eki keme soqtyǵysty - 202 jolaýshy qutqaryldy
ASTANA. Tamyzdyń 19-y. QazAqparat - Rybın sý qoımasynda jolaýshylar tasymaldaıtyn «Sergeı Kırov» jáne júk tasıtyn «Vasılıı Osıpov» kemeleri soqtyǵysyp qaldy. Bul jóninde RF Kólik mınıstrliginiń baspasóz qyzmeti habarlady.
Júk barjasynyń tumsyq bóligi jolaýshylar kemesiniń oń jaq búıirinen soǵyp ótken, sonyń saldarynan «Sergeı Kırov» kemesiniń ekinshi bóligine sý jınalǵan. Apat saldarynan jolaýshylar zardap shekken joq.
«Sergeı Kırov» teplohodynyń ishindegi barlyq jolaýshylar «Moskvıch 513» jáne «Moskvıch 730» teplohodtaryna kóshirildi. Olar Rybınskige, odan keıin Máskeýge jetkiziledi degen boljam bar.
Peterborlyq «Jolaýshylar floty» kompanııasyna qaraıtyn «Sergeı Kırov» teplohody ıAroslavl - Máskeý arasynda qatynap júrgen. Korabl bortynda 202 jolaýshy bolǵan. Al, ústine 4,5 myń tonna qum artqan «Vasılıı Osıpov» kemesi bolsa, Rybınskiniń «MVK fırmasy» JShQ menshigi.
