Rybakınanyń Tsıntsınnatıdegi týrnırden shyǵyp qalǵannan keıin WTA reıtıngindegi orny belgili boldy

ASTANA. QazAqparat – Áıelder tennıs qaýymdastyǵy (WTA) jeke jáne juptyq syndaǵy sportshy qyzdar reıtınginiń jańarǵan nusqasyn jarııalady, dep habarlaıdy QazAqparat Sports.kz-ke silteme jasap.

Álemniń birinshi raketkasy ataǵy burynǵysha polshalyq Iga Shventekke tıesili, ekinshi orynda Belarýs ókili Arına Sobolenko tursa, úzdik úshtikti amerıkalyq tennısshi Djessıka Pegýla túıindedi.

Qazaqstan ókilderiniń úzdigi – Elena Rybakına tórtinshi orynda qaldy. Elena keıingi ret Tsıntsınnatıdegi «Masters» týrnırine qatysyp, jaraqatyna baılanysty 1/8 fınalda matchtan shyǵýǵa májbúr boldy. Jaqynda Rybakına Nıý-Iork qalasyna keldi, ol AQSh ashyq chempıonatyna qatysady.

Taǵy bir qazaqstandyq tennısshi ıÝlııa Pýtıntseva burynǵysha 79-orynda tur.

Juptyq synda birinshi oryndy chehııalyq Katerjına Sınıakova ustap tur, ekinshi orynda onyń otandasy Barbora Kreıchıkova bolsa, aýstralııalyq Storm Hanter úshinshi qatarǵa kóterildi.

Qazaqstandyq juptyq syn sheberi Anna Danılına eki satyǵa tómendep, 28-orynǵa turaqtaǵan. Rybakına bir ornyn joǵaltyp, 11-shi bolyp qalsa, Jibek Qulambaeva úsh oryn tómendep, 178-shi orynǵa toqtady.