Rybakına men Kerberdiń oıyny qyzyqty bolmaq – Germanııa quramasynyń kapıtany
NUR-SULTAN. QazAqparat – Óz elderiniń birinshi raketkalary Elena Rybakına men Anjelıka Kerberdiń oıyny qyzyqty bolatyny anyq. Bul týraly Germanııa áıelder quramasynyń kapıtany Raıner Shýttler aıtty, dep habarlaıdy QazAqparat tilshisi.
Onyń baspasóz máslıhatynda málim etkenindeı, 15-16 sáýir kúnderi ótetin Qazaqstan – Germanııa matchy tartysty bolmaq.
R.Shýttlerdiń pikirinshe, Andrea Petkovıchtiń joqtyǵy Germanııa quramasynyń oıynyna onsha áser etpeıdi.
«Árıne, Andrea kelse, tipti keremet bolar edi. Biraq ol AQSh-taǵy jarysta jaraqat alyp qalǵandyqtan, qatysa almaı otyr. Endi baryna qanaǵat tutýǵa týra keledi. Petkovıch komandaǵa jaqsy qoldaý kórsetetin tamasha tennısshi edi. Andrea taıaýda qalpyna kelip, komandaǵa qaıta qosylady dep úmittenemiz. Eki komandanyń kóshbasshysy týraly aıtsaq, Elena Rybakına – jas oıynshy. Anjelıka Kerber – «Úlken dýlyǵa» týrnırin utqan álemniń burynǵy birinshi raketkasy. Qazirgi kezde ekeýi reıtıngide kórshi tur. Sondyqtan qyzyqty oıyn bolady dep kútemiz», dedi R.Shýttler.
Eske sala keteıik, budan buryn qazaqstandyq jas tennısshilerdiń álem chempıonatynyń irikteý kezeńin jeńispen bastaǵanyn, Aleksandr Býblıktiń «Úlken dýlyǵanyń» úsh dúrkin chempıonyn utqanyn jazǵan bolatynbyz.
Sondaı-aq Qazaqstan quramasy Germanııamen ótetin matchqa daıyndalyp jatyr.
ıAroslava Shvedova Germanııa tennısshileriniń múmkindigi týraly aıtty.
