Rybakına qazaqstandyq jas tennısshilerge kómegi týraly: Olardy bıikten kórgim keledi

ASTANA. QazAqparat – Qazaqstannyń birinshi, álemniń 7-raketkasy Elena Rybakına Indıan Ýells masters týrnıriniń chempıony atanǵannan keıin amerıkalyq telearnaǵa bergen suhbatynda qazaqstandyq jas tennısshilerge jasaǵan kómegi týraly aıtty, dep habarlaıdy QazAqparat tilshisi.

«Jýyrda Indıan Ýells týrnırindegi úlken jeńisińizden keıin qazaqstandyq 14 jas tennısshige kómek berý úshin qomaqty qarjy bólgenińizdi oqydyq. Mundaı ádemi qadamǵa ne túrtki boldy?» - dep surady telejúrgizýshi sportshydan.

«Shyn mánisinde biz muny áldeqaıda buryn josparlap edik. Alaıda únemi saparda júretindikten sáti túse qoımady. Óıtkeni saparlar kóp ýaqyt alady. Degenmen ózim kómekteskim keldi, sebebi úlken tabystarǵa qol jetkizdim. Sport jolymnyń alǵashqy kezeńinde maǵan qolushyn sozǵandardyń bárine, sonyń ishinde federatsııaǵa osylaısha rızashylyǵymdy bildirgim keldi. Árıne, basqalar sııaqty, bizde de qoldaýdy qajet etetin jas talanttar kóp. Kóp uzamaı olardy úlken tennıs korttarynda kóremin dep úmittenemin», - dep jaýap berdi Elena Rybakına.

Eske sala keteıik, budan buryn Elena Rybakınanyń qazaqstandyq jas tennısshilerge 2,5 mln teńgeden bergenin jazǵan bolatynbyz.

Elena Rybakına qatarynan úsh matchta 10-nan astam eıs jasaǵan birinshi tennısshi atandy.

Qazaqstan jasóspirimderi álem chempıonaty irikteý kezeńiniń shırek fınalyna shyqty.