Rıazan janyndaǵy polıgonda snarıadtardy joıý kezinde 23 adam jaraqat aldy
ASTANA. Maýsymnyń 23-i. QazAqparat - RF Rıazan qalasy janyndaǵy polıgonda snarıadtardy joıý kezinde oq-dári salynǵan 2 júk mashına jaryldy. Aldyn ala málimet boıynsha, tótenshe oqıǵa saldarynan 1 adam qaza taýyp, 23 adam jaraqat aldy, dep habarlaıdy «Interfaks» agenttigi Máskeý áskerı okrýgynyń qolbasshysynyń baspasóz hatshysy Sergeı Vlasovqa silteme jasaı otyryp.
RIA Novostı aqparat kóziniń málimetine súıensek, oqıǵa Rybnov aýdanynda saǵat 14.25-te oryn aldy. Vlasov polıgonnyń Seltsy kentinde ornalasqanyn da naqtylady.
Qorǵanys mınıstrliginiń ókili habarlaǵandaı, qaza tapqan jáne jaraqat alǵandar shaqyrý boıynsha mindetti qyzmetin atqaryp júrgen áskerıler.
