Rıazan mańyndaǵy zaýytta úıindi astynda qalǵan 11 adam qaza tapty
ASTANA. KAZINFORM – 18 tamyzda Rıazan oblysynyń Shılovskıı aýdanyndaǵy kásiporynda bolǵan qaıǵyly oqıǵaǵa baılanysty atalǵan aımaqta qaraly kún jarııalandy. Bul týraly gýbernator Pavel Malkov habarlady, dep jazdy TASS aqparat agenttigi.
Apattan 11 adam qaza taýyp, taǵy 130 adam jaraqat alǵan.
– Shılovskıı aýdanyndaǵy qaıǵyly oqıǵaǵa baılanysty Rıazan oblysynda 18 tamyz qaraly kún bolyp jarııalandy, - dep jazdy ol óziniń Telegram arnasynda.
Onyń aıtýynsha, bul kúni oblystyń barlyq aýmaǵynda týlar túsiriledi. Mádenıet mekemelerine, teleradıo kompanııalar men uıymdarǵa oıyn-saýyq sharalaryn toqtatý usynyldy.
– Qaza tapqan qyzmetkerlerdiń týǵan-týystary men jaqyndaryna kóńil aıtamyn. Zardap shekkenderdiń tezirek saýyǵyp ketýine tilektespin, - dedi aımaq basshysy.
Ol sondaı-aq qaza bolǵandardyń otbasylary men zardap shekkenderge bılik tarapynan kómek kórsetiletinin qosa aıtty.
Eske sala keteıik, buǵan deıin AQSh-tyń US Steel bolat quıý zaýytynda jarylys bolǵanyn jazǵan edik.