Rústem Ibraev álemdik Gran prı jarysynda altyn ıelendi
ASTANA. QazAqparat - Osy kúnderi Ázerbaıjannyń Baký qalasynda ótip jatqan dzıýdodan álemdik Gran prı («Grand Slam») jarysy Qazaqstan palýandary úshin sátti bastaldy.
8 mamyr kúni 60 keli salmaqta kúresken Rústem Ibraev barlyq qarsylastaryn aıqyn basymdyqpen jeńip, bas júldeni ıelendi. Ol fınalda frantsýzdyq palýan Vınsent Lımardy bazarı ádisimen tize búktirdi.
Bul dodany qazaqstandyq kórermender «Qazsport» telearnasynan tikeleı efırde kórdi.
Jarys búgin jalǵasatyn bolady. Qazaqstan tarapynan oǵan 9 sportshy qatysýda.
