Rústem Bıǵarı bilim berýge qatysty tendentsııalardy atady

ALMATY. QazAqparat - Qazaqstan Respýblıkasy Bilim jáne ǵylym vıtse-mınıstri Rústem Bıǵarı «Digital Almaty 2021- Jahandyq ekonomıkanyń tsıfrlyq bolashaǵy» atty halyqaralyq forýmda bilim berý salasyndaǵy tsıfrlandyrý problemalary týraly aıtty, dep habarlaıdy QazAqparat tilshisi.

Vıtse-mınıstrdiń aıtýynsha, pandemııa Qazaqstandaǵy bilim berý salasyna da aıtarlyqtaı áser etti.

«Álemdi dendegen indet kezinde bul sala aıtarlyqtaı kedergilerge tap boldy. Birinshiden, oǵan birde-bir eldiń ınfraqurylymy daıyn bolǵan joq. Álem mundaı qıyndyqtarǵa daıyn emes edi. Tipti Nıý-Iorkte turǵyndardyń 20%-y sapaly ınternetke qol jetkize almady. Bul másele bizde de bar. Ekinshi másele - sandyq saýattylyq. Qazaqstan da, tsıfrlyq daǵdylardy qalyptastyrý men damytý máselesine tap boldy. Bul muǵalimder men balalarǵa ǵana emes, ata-analardyń ózderine de qatysty. Eki tendentsııa kóp ýaqytty qajet etti. Biz bilim berý júıesinde ózgeris qajet ekenin túsinemiz. Oǵan qashyqtan oqytý júıesi kóz jetkizdi», - dedi ol.

Tsıfrlyq forýmnyń dıalog alańynda Eýrazııalyq Ekonomıkalyq Odaq elderiniń qatysýshylary balalardy qaıta daıarlaý jáne qosymsha bilim berý týraly tájirıbelerimen bólisti.

«Búginde tsıfrlandyrýdyń arqasynda oqytý júıesi jetildirilip jatyr. Bilim deńgeıin baqylaýǵa ǵana emes, ony dıagnostıkalaýǵa da bolady. Mysaly, eger balalar sabaqtyń taqyrybyn ıgermese, onda oqý materıaly joǵary sapada daıyndalmaǵan bolýy múmkin.Onda oqýlyqty qaıta basyp shyǵarýdyń qajeti joq. Qaıta bilim berý tujyrymdamasyn ózgertip, oqý materıalynyń sapasyn arttyrý qajet», - dep atap ótti Bilim jáne ǵylym vıtse-mınıstri.