Rústem Aqbalın Joldaý týraly: Eldik damý kadr máselesine tikeleı baılanysty

ÓSKEMEN. QazAqparat – QR Ulttyq ulan «Shyǵys» óńirlik qolbasshylyǵynyń qolbasshysy, polkovnık Rústem Aqbalınniń aıtýynsha, Prezıdent Qasym-Jomart Toqaev kezekti joldaýynda eldiń ál-aýqatyn kóterýge arnalǵan keshendi sharalarǵa keńinen toqtalyp, úkimetke naqty tapsyrmalar berdi, dep habarlaıdy QazAqparat tilshisi.

«Qasym-Jomart Kemeluly óz joldaýynda memlekettik basqarýdyń jańa modelin usyndy. ıAǵnı, bul baǵytta memlekettik qyzmetti qaıta retke keltirý qajet. Ol úshin reforma júıeli túrde júrgizilmek. Bul kadrlyq máselege basty nazar aýdarýdy talap etedi. Jyl basynan álemdi alqymynan alǵan alapat indet qanshama memleketterde adam shyǵynymen qatar, el ekonomıkasyna aýyr soqqy berip, týrızmmen kún kórip otyrǵan birqatar memleketterdi daǵdarysqa ushyratty. Álemdegi daǵdarystyń salqyny bizdiń eldiń ekonomıkasyna da óz áserin tıgizbeı qoǵan joq. Ásirese, shaǵyn jáne orta kásibin dóńgeletip otyrǵandardyń karantın kezinde tabys kózi edáýir azaıǵan.Tipti, amalsyzdan jabylýǵa týra kelgen kásipkerler sany kóbeıdi. Prezıdentimiz bul olqylyqtyń ornyn toltyryp, shaǵyn jáne orta kásipke memleket tarapynan 200 mlrd teńge kóleminde qarjy qarastyrylǵanyn aıtty. Elimizdegi kásipkerlerge jasalǵan qamqorlyq aldaǵy ýaqytta óz jemisin beredi dep senemiz», - deıdi ol.

Rústem Aqbalınniń aıtýynsha, Prezıdent óz joldaýynda «Jer sheteldikterge satylmaıdy» dep, el ishinde rezonans týdyryp, sońy úlken shıeleniske apara jazdaǵan daýly máselege núkte qoıdy.

«Biz budan qoǵamda beleń alǵan kúmándi oılarǵa toqtaý bolyp, halyq pen bılik bir baılamǵa kelgenin baıqaımyz. Pandemııa barysynda óz densaýlyǵyn qaterge tigip, ár naýqastyń ómiri úshin sońyna deıin kúresken dárigerlerdiń eńbegi orasan zor. Prezıdent aldaǵy 2023 jylǵa deıin aq halatty abzal jandardyń jalaqysy eldegi ortasha jalaqymen salystyrǵanda eki ese kóteriletinin basa aıtty. Bul medıtsına salasyna ǵana emes, jalpy halyqqa kórsetilgen qamqorlyq dep baǵalaýǵa bolady. Sebebi, dárigerlerdiń áleýmettik jaǵdaıyn kóterý arqyly eldegi medıtsınalyq qyzmettiń sapasyn arttyrýǵa túrtki bolmaq. Jalpy, Prezıdent joldaýyn tyńdaı otyryp, eldiń damý mehanızmin kadrlyq máselege tikeleı baılanystyrǵanyn ańǵaramyz. Máselen, memlekettik qyzmetkerlerdiń sanyn aldaǵy 2021 jylǵa deıin 15 paıyzǵa azaıtyp, sapasyn arttyrýdy tolyq qoldaımyn. Sebebi, eldi jaılaǵan pandemııa naqty elge naǵyz qajetti mamandardy ózi-aq suryptap bergen sekildi. Demek, biz qoǵamǵa kerekti kadrlarǵa basa mán berýge tıispiz. Bul rette jastar arasynan surasynqa ıe mamandardy daıarlaý qajet. «Qazirgi jastar tez ári ońaı baıyp ketkisi keledi» degen synı pikirin jasyra almaǵan Qasym-Jomart Kemeluly jastardy eń áýeli naǵyz maman bolýǵa talpynýǵa úndedi», - deıdi QR UU «Shyǵys» óńirlik qolbasshylyǵynyń qolbasshysy.