Rýstamı Emomalı Tájikstan Parlamentiniń joǵary palata spıkeri bolyp saılandy

DÝShANBE. HOVAR – QazAqparat – Tájikstanda Rýstamı Emomalı Parlamenttiń joǵary palatasynyń spıkeri bolyp saılandy, dep habarlaıdy QazAqparat Tájikstannyń «Hovar» ulttyq aqparat agenttigine silteme jasap.

Tájikstan Respýblıkasy Olı Madjlısiniń Mıllı Madjlısı zańyna sáıkes, spıker qyzmetine usynylǵan úmitkerdiń aty-jóni jasyryn daýys berý bıýlletenderine jazylady. Mıllı Madjlısı músheleri jasyryn daýys berý arqyly Olı Madjlısiniń Mıllı Madjlısı tóraǵasy qyzmetine Rýstamı Emomalıdiń kandıdatýrasyn qoldady.

Rýstamı Emomalı 1987 jyly 19 jeltoqsanda týǵan. Tájikstan prezıdenti Emomalı Rahmon men Azızmo Asadýlloevanyń toǵyz balasynyń (eki ulynyń úlkeni) biri.

Tájikstan Respýblıkasy Prezıdentiniń 2017 jylǵy 4 sáýirdegi Jarlyǵymen Dýshanbe qalasynyń basshysy bolyp taǵaıyndalǵan. 2020 jylǵy 17 sáýirde Tájikstan Respýblıkasy altynshy shaqyrylǵan Joǵary jınalysy Ulttyq keńesiniń birinshi sessııasynda tóraǵa bolyp saılandy.

Foto: fft.tj