Rýstam Mınnıhanov Tatarstan basshysy saılaýynda jeńiske jetti

ASTANA. KAZINFORM — Tatarstannyń (RF) qazirgi basshysy Rýstam Mınnıhanov respýblıka basshysy saılaýynda 88,09% daýys jınap, jeńiske jetti. Buǵan RF Ortalyq saılaý komıssııasynyń hattamalardy 100% óńdegennen keıingi málimetteri dálel, dep habarlaıdy RIA Novostı.

Saılaý naýqanyna tórt kandıdat qatysty. Aımaq basshysy laýazymyna «Birtutas Reseı» («Edınaıa Rossııa») partııasy usynǵan Mınnıhanovtan basqa, Tatarstan memlekettik keńesiniń depýtaty Hafız Mırgalımov (RFKP), «Áleýmettik ádilettilik úshin Reseı zeınetkerleri partııasynan» Vıtalıı Smırnov jáne №3 «Baılyq» seriktestigi dırektorynyń orynbasary Rýslan ıÝsýpov (RLDP) básekege tústi.

68 jastaǵy Rýstam Mınnıhanov Tatarstandy 2010 jyldan beri basqaryp keledi. Ol buǵan deıin bul qyzmetke eki ret – 2015 jáne 2020 jyldary qaıta saılanǵan. 2005-2010 jyldar aralyǵynda ol respýblıkanyń premer-mınıstri qyzmetin atqarǵan.

2023 jyldyń qańtarynda Mınnıhanov Tatarstan Konstıtýtsııasyna ózgerister engizý týraly zańǵa qol qoıdy, oǵan sáıkes aımaq basshysy laýazymy «basshy» nemese «raıs» degen resmı ataý aldy.

Eske sala keteıik, Tatarstanda «Han Sultan. Altyn Orda» operasynyń premerasy ótti.