Rýstam Qusaıynov «Báıterek» holdınginiń basqarýshy dırektory bolyp taǵaıyndaldy
Rýstam Qusaıynovtyń eńbek ótili 20 jyldy quraıdy, IT-tehnologııalar salasyndaǵy basqarýshylyq tájirıbesi mol. Túrli jyldary «DAMÝ» aqparattyq tehnologııalar ortalyǵy» kompanııasynda basqarýshylyq laýazymdardy atqardy, onyń ishinde sarapshylyq keńestiń tóraǵasy boldy. «Altel» AQ Dırektorlar keńesine kirdi.
«Báıterek» holdıngine shaqyrylǵanǵa deıin Qazaqstan Respýblıkasy Ulttyq ekonomıka mınıstrliginde keńesshi bolyp jumys istedi.
Rýstam Qusaıynov Ál-Farabı atyndaǵy Qazaq memlekettik ýnıversıtetin, E.A. Bóketov atyndaǵy Qaraǵandy memlekettik ýnıversıtetin, M.V. Lomonosov atyndaǵy Máskeý memlekettik ýnıversıtetin támamdady.
«Báıterek» ulttyq basqarýshy holdıngi» AQ Qazaqstan Respýblıkasy Prezıdentiniń 2013 jylǵy 22 mamyrdaǵy Jarlyǵyna sáıkes quryldy. Holdıngti qurýdyń maqsaty ekonomıkany damytý men ártaraptandyrýǵa járdemdesý, ınvestıtsııalar tartý, klasterlerdi damytý jáne onyń enshiles uıymdarynda korporatıvtik basqarý júıesin jetildirý bolyp tabylady. Holdıng quramyna mynadaı kompanııalar kiredi: «Kazaqstannyń Damý Banki» AQ, «Qazaqstannyń ınvestıtsııalyq qory» AQ, «Qazaqstannyń turǵyn úı qurylys jınaq banki» AQ, «Qazaqstandyq ıpotekalyq kompanııa» AQ, «QazEksportGarant» AQ, «Damý» kásipkerlikti damytý qory» AQ, «Tehnologııalyq damý jónindegi ulttyq agenttik» AQ, «Qazaqstannyń ıpotekalyq kredıtterge kepildik berý qory» AQ, «Qazyna Kapıtal Menedjment» AQ, «Báıterek development» AQ, «Kazakhstan Project Preparation Fund» JShS. Holdıng osy kompanııalardyń memlekettik aktsııalar paketin ıemdený jáne paıdalaný quqyǵyna ıe.
