Rýstam Qaraǵoıshın «Báıterek» holdınginiń basshysy bolyp taǵaıyndaldy
ASTANA. KAZINFORM — QR Premer-Mınıstriniń orynbasary — Ulttyq ekonomıka mınıstri Nurlan Baıbazarov «Báıterek» ulttyq basqarýshy holdınginiń ujymyna jańa basshy — Rýstam Qaraǵoıshındi tanystyrdy.
Rýstam Tımýruly 1983 jyly týǵan.
Qazaqstandyq menedjment, ekonomıka jáne boljaý ınstıtýtyn jáne Halyqaralyq bıznes akademııasyn támamdaǵan.
Іskerlik ákimshilendirý magıstri.
Eńbek jolyn 2004 jyly «Qazaqstannyń Damý Banki» AQ-da («Báıterek» UBH» AQ enshiles uıymy) bastady, onda jobalyq taldaý departamentiniń menedjeri, bas menedjeri jáne basqarma bastyǵy bolyp jumys istedi.
2007 jyldan 2011 jylǵa deıin «QDB — Lızıng» AQ basqarýshy dırektory — basqarma múshesi laýazymyna aýystyryldy.
2011-2015 jyldary «Petroleum Operating» JShS munaı jáne munaı ónimderi marketıngi departamentiniń syrtqy ekonomıkalyq qyzmet bóliminiń bastyǵy, «Credit Systems» JShS basqarma tóraǵasy, «Sberbank Lızıng» JShS bas dırektorynyń orynbasary, bas dırektory bolyp jumys istedi.
2015 jyldan 2019 jyldyń aqpan aıyna deıin «QazAgroQarjy» AQ basqarma tóraǵasynyń orynbasary qyzmetin atqardy.
2019 jyldyń aqpan-mamyr aılary aralyǵynda «Qazaqstannyń astyq konsortsıýmy» JShS bas dırektory boldy.
2019 jyldan 2021 jylǵa deıin «Báıterek» UBH» AQ basqarma tóraǵasynyń orynbasary qyzmetin atqardy, onyń ishinde «Damý» kásipkerlikti damytý qory» AQ jáne «Qazaqstannyń Damý Banki» AQ dırektorlar keńesiniń múshesi boldy.
2021 jyldan 2024 jylǵa deıin jeke sektorda ártúrli qyzmetter atqardy.
