Rýstam Inoıatov Ózbekstannyń Ulttyq qaýipsizdik qyzmetiniń basshysy laýazymynan ketti

ASTANA. QazAqparat - 31 qańtar kúni Ózbekstannyń Ulttyq qaýipsizdik qyzmetine jańa basshy taǵaıyndaldy, dep habarlaıdy «QazAqparat» HAA tilshisi «Halq sýzı» gazetine silteme jasap.

UQQ-nyń burynǵy tóraǵasy Rýstam Rasýlovıch Inoıatov vedomstvony 1995 jyldan beri basqaryp kelgen.

Eldiń resmı organynyń saıtynda habarlanýynsha, buǵan deıin Ózbekstannyń Bas prokýrory laýazymyn atqaryp kelgen Ihtıer Abdýllaev UQQ tóraǵasy bolyp taǵaıyndalǵan. Bul jaıly prezıdent Shavkat Mırzıeevtiń tóraǵalyǵymen ótken Ózbekstan Bas prokýratýrasy jáne UQQ ókilderiniń otyrysynda málimdeme jasaldy.