08:42, 01 Aqpan 2018 | GMT +6
Rýstam Inoıatov Ózbekstan prezıdentiniń keńesshisi boldy
ASTANA. QazAqparat - Rýstam Inoıatov Ózbekstan Respýblıkasy prezıdentiniń memlekettik keńesshisi qyzmetine taǵaıyndaldy, dep habarlaıdy Ózbekstan basshysynyń baspasóz qyzmeti.
«Ózbekstan Respýblıkasy Konstıtýtsııasynyń 93 baby, 24 tarmaǵyna sáıkes, Ózbekstan Respýblıkasy prezıdentiniń 2018 jyldyń 31 qańtaryndaǵy №ÝP-5317 jarlyǵyna sáıkes, Rýstam Rasýluly Inoıatov Ózbekstan Respýblıkasynyń Ulttyq qaýipsizdik qyzmetiniń basshysy laýazymynan bosatylyp, Ózbekstan Respýblıkasy Prezıdentiniń saıası-quqyqtyq máseleler boıynsha memlekettik keńesshisi qyzmetine taǵaıyndaldy»,-delingen Ózbekstan basshysynyń jarlyǵynda.
Osyǵan deıin habarlanǵanyndaı, Ózbekstannyń Ulttyq qaýipsizdik qyzmetiniń basshysy Rýstam Inoıatov 23 jyl qyzmetinen soń atalmysh laýazymnan bosatyldy.
