Rýstam Baıalıev jańa qyzmetke taǵaıyndaldy
Rýstam Baıalıev Prezıdent ákimshiliginiń Óńirlik damý monıtorıngi bóliminiń meńgerýshisi bolyp taǵaıyndaldy. Bul týraly Aqordanyń baspasóz qyzmeti habarlady.
- Memleket basshysynyń ókimimen Rýstam Ahathanuly Baıalıev Qazaqstan Respýblıkasy Prezıdenti Ákimshiliginiń Óńirlik damý monıtorıngi bóliminiń meńgerýshisi bolyp taǵaıyndaldy, ol burynǵy atqarǵan laýazymynan bosatyldy, - delingen habarlamada.
Ol 1975 jyly Almaty qalasynda dúnıege kelgen. Ál-Farabı atyndaǵy Qazaq ulttyq ýnıversıtetin, Memlekettik basqarý akademııasyn, halyqaralyq jýrnalıst, ekonomıka bakalavry, ekonomıka magıstri.
Eńbek jolyn Qarjy mınıstrliginde Memlekettik salyq komıtetiniń mamany bolyp bastaǵan. Ár jyldary Qarjy mınıstriniń kómekshisi – departament hatshylyǵynyń meńgerýshisi, basqarma bastyǵynyń orynbasary, basqarma bastyǵy, departament dırektorynyń orynbasary, Indýstrııa jáne saýda mınıstrliginde departament dırektory, komıtet tóraǵasynyń orynbasary, Aqmola oblysy ákimi apparatynyń basshysy, «Astanaenergoservıs» AQ basqarma tóraǵasy, Almaty oblysynyń at sporty federatsııasynyń basshysy qyzmetin atqardy.
2024 jyly ol Prezıdent Іs basqarýshysynyń orynbasary laýazymyna taǵaıyndalǵan edi.