Rýstam Azımov: ShYU bankin qurý uıymnyń qarjylyq jaǵdaıyn arttyrady

BІShKEK. QazAqparat - ShYU bankin qurý uıymnyń qarjylyq jaǵdaıyn arttyratyn bolady. Shanhaı yntymaqtastyq uıymyna múshe memleketter úkimetteri basshylarynyń keńesi barysynda Ózbekstan Premer-Mınıstriniń birinshi orynbasary Rýstam Azımov osyndaı pikir bildirdi, dep habarlaıdy Bishkektegi «QazAqparat» HAA menshikti tilshisi.

 Onyń sózine qaraǵanda, álemdik ekonomıkada qurylymdyq ártúrli teńgerim, qarjylyq belsendiliktiń tómendeýi jáne kapıtaldyń azaıýy oryn alýda. Biraq ShYU elderinde alǵa qoıǵan mindetterdi iske asyrý úshin kúsh-jiger men múmkindikter jetkilikti. «Biz, saýda-ekonomıkalyq baılanystaryn damytý, naryqtardaǵy suranysty yntalandyrý úshin bar kúsh-jigerimizdi jumsaımyz. Naqty qadamdar qabyldanyp, jańa jobalar izdestirilýde. Uıymnyń álsiz jaǵy - qarjylyq jaǵdaıy. Osyǵan baılanysty Ózbekstan ShYU bankin qurý bastamasyn qoldaıdy, biraq ol jańa qarjylyq ınstıtýt bolýy tıis», - dep eskertti Rýstam Azımov.

 Esterińizge salaıyq, búgin Bishkekte  ShYU múshe memleketter úkimetteri basshylarynyń Keńesi ótýde. Qazirgi sátte Qazaqstan  ShYU tóraǵasy bolyp tabylady, al 2017 jylǵy  8-9 maýsymda Astanada Uıymǵa múshe memleketter basshylaryny sammıti ótedi.