Rýslan Jeldibaı Prezıdenttiń shetelge bıylǵy alǵashqy sapary týraly: 9 kelisimge qol qoıyldy
Onyń jazýynsha, QR Prezıdentiniń Birikken Arab Ámirlikterine resmı sapary – shetelge bıylǵy alǵashqy sapary. Jumys kestesi mańyzdy is-sharalarǵa toly boldy. Negizgi maqsat – taýar aınalymyn arttyrý, ınvestıtsııa tartý, ekonomıkalyq jáne kólik-logıstıka baılanystaryn nyǵaıtý.
Buǵan deıin málim etilgendeı, Memleket basshysy «Abý Dabı turaqty damý aptalyǵy» sammıtiniń ashylý saltanatynda sóz sóılep, ınvestorlardy Qazaqstanda «jasyl» jobalardy birge júzege asyrýǵa shaqyrdy.
Sondaı-aq Qasym-Jomart Toqaev Birikken Arab Ámirlikteriniń Prezıdenti sheıh Muhammed ben Zaıd Ál Nahaıanmen kelissóz júrgizdi.
«Qazaqstan men BAÁ arasynda berik senim ornaǵan. Kezdesýde 9 kelisimge qol qoıyldy. Ámirlikter elimizge 3 mıllıard dollar ınvestıtsııa quıdy. 2022 jyly taýar aınalymy 600 mıllıon dollarǵa jetti. Alaıda Memleket basshysy bul kórsetkishti 1 mıllıard dollarǵa jetkizý qajet dedi.
Prezıdent sondaı-aq Ámirlikterdegi birqatar iri kásipkerdi qabyldady. Olardyń arasynda First Abu Dhabi Bank, Abu Dhabi Ports Group jáne Masdar kompanııalarynyń jetekshileri bar.
Kompanııalar elimizde túrli salada birlesken jobalardy iske asyrýǵa qarajat quıýǵa daıyn. Mysaly, Masdar kompanııasy Túrkistan jáne Jambyl oblystarynda qýattylyǵy 1 GVt jel elektr stantsııasyn salady. Al Abu Dhabi Ports Group Kaspıı teńizi men onyń mańaıynda kólik-logıstıka jobalaryn iske asyrady.
Budan basqa da kelisimder az emes. BAÁ elimizden 336 mıllıon dollarǵa taýardyń 100 túrin satyp alýǵa daıyn. Qazaqstan men Ámirlikter arasynda aýyl sharýashylyǵy salasynda da ortaq jobalar jetkilikti. Phoenix Global kompanııasy Almaty oblysynda ekstrýdtalǵan qospa jem óndiretin zaýyttyń (quny 23 mln dollar) qurylysyn aıaqtap jatyr. Sonymen birge 1000 gektar jerge jemis baǵyn ósiredi (quny 76 mln dollar)», - dep jazdy Memleket basshysynyń baspasóz hatshysy.
Budan bólek, enki el yntymaqtastyǵy aıasynda Qazaqstanda qant zaýyty men jel elektr stantsııasyn salý, «jasyl» energetıka boıynsha kásiporyn qurý, jalpy quny 5 mlrd dollarǵa jýyq ınvestıtsııalyq platformany iske asyrý da josparlanyp otyr.
«Prezıdent atalǵan jobalar Qazaqstan ekonomıkasynyń damýyna oń áserin tıgizetinin jetkizdi. Sondaı-aq barlyq iri birlesken jobalar men bastamalardy jeke ózi baqylaýǵa alatynyn málimdedi.
Sheteldik ınvestorlardy Qazaqstanǵa shaqyryp, ekonomıkamyzdyń áleýetin arttyrý – Prezıdenttiń sheteldik saparlarynyń basym baǵyty.
Memleket basshysy kórsetken qonaqjaılylyǵy jáne mazmundy kelissóz júrgizgeni úshin BAÁ Prezıdenti sheıh Muhammed ben Zaıd Ál Nahaıanǵa alǵys aıtty», - delingen Rýslan Jeldibaıdyń jazbasynda.
Foto: facebook.com/ruslan.zheldibay
