Rýslan Jeldibaı qyzmetinen bosatyldy
ASTANA. KAZINFORM – Memleket basshysynyń Jarlyǵymen Rýslan Sultanuly Jeldibaı Qazaqstan Respýblıkasy Prezıdentiniń kómekshisi – Prezıdenttiń Baspasóz hatshysy laýazymynan bosatyldy.
Bul týraly Aqordanyń baspasóz qyzmeti habarlady.
Rýslan Jeldibaı 1989 jyly Jambyl oblysynda týǵan.
T. Rysqulov atyndaǵy Qazaq ekonomıkalyq ýnıversıtetin, Ýorık ýnıversıtetin (Ulybrıtanııa) bitirgen. «Bolashaq» baǵdarlamasynyń túlegi.
Eńbek jolyn 2012 jyly «Qazaqstan» telearnasynda redaktor bolyp bastaǵan.
2012-2018 jj. – «Almaty» telearnasynda bólim basshysy, prodıýser.
2018-2019 jj. – QR Aqparat jáne kommýnıkatsııalar komıtetiniń Internet keńistigindegi jáne áleýmettik jelilerdegi aqparattyq jumys jónindegi basqarma basshysynyń m.a., basshysy.
2019-2020 jj. – QR Aqparat jáne qoǵamdyq damý mınıstrliginiń Aqparat komıteti tóraǵasynyń orynbasary.
2020 jyldyń mamyr aıynan QR Prezıdenti Ákimshiliginiń Іshki saıasat bólimi meńgerýshisiniń orynbasary boldy.
2022 jylǵy aqpan–sáýir aılarynda Premer-Mınıstr Keńsesi basshysynyń orynbasary boldy.
2022 jyldan bastap Prezıdent Ákimshiliginde jumys istedi.
2022–2023 jyldary Prezıdent baspasóz hatshysy boldy. 2023 jylǵy 5 qańtarda laýazymynan bosatylmaı-aq Prezıdent Ákimshiligi basshysynyń orynbasary bolyp taǵaıyndalyp, ol 2 qyzmetti sol jylǵy qyrkúıekke deıin qosa atqardy.
2023 jylǵy 1 qyrkúıekte 2 laýazymynan bosatylǵannan keıin Prezıdent jarlyǵymen Prezıdenttiń ishki saıasat máseleleri jáne kommýnıkatsııalar jónindegi kómekshisi bolyp taǵaıyndaldy.
2025 jylǵy 17 aqpannan 9 qyrkúıekke deıin Prezıdent keńesshisi jáne onyń baspasóz hatshysy boldy. Sol jyldyń 9 qyrkúıeginde Rýslan Jeldibaı Prezıdent kómekshisi jáne onyń baspasóz hatshysy bolyp taǵaıyndalǵan.