Rýslan Jeldibaı «Eýrazııa» birinshi arnasynyń ujymyna jańa dırektordy tanystyrdy
ASTANA.KAZINFORM - Belgili medıamenedjer Lázzat Tanysbaı «Eýrazııa» birinshi arnasynyń dırektory laýazymyna taǵaıyndaldy.
Bul týraly búgin óziniń Facebook paraqshasynda QR Prezıdentiniń keńesshisi – Baspasóz hatshysy Rýslan Jeldibaı jazdy.
- Búgin telearna ujymyna tanystyrdym. Lázzat Muratqyzy sońǵy alty jylda «Qazaqstan» teleradıokorporatsııasynyń Basqarma tóraǵasy retinde otandyq medıanyń damýyna eleýli úles qosty.
Osy jyldary tarıhı telehıkaıalar men anımatsııalyq fılmder óndirisine erekshe serpin berildi. Korporatsııa otandyq kontentti ınternet keńistiginde jáne shetelderde taratý isinde birshama jetistikke jetti.
Dırektorlar keńesiniń tóraǵasy retinde Lázzat Muratqyzyna alǵys aıtamyn! Jańa qyzmette de tabysty bolatynyna senimdimin, - dep jazdy ol.
Sondaı-aq ol «Qazaqstan» teleradıokorporatsııasynyń Basqarma tóraǵasy bolyp belgili jýrnalıst, medıa salasynda uzaq jyldar boıy basshylyq qyzmetter atqarǵan Ernur Býrahan taǵaıyndalǵanyn aıtty.
-Іske sát, tabysty qyzmet tileımin!—dedi Rýslan Jeldibaı.
Aıta keteıik, búgin Lázzat Tanysbaıdyń jańa qyzmetke taǵaıyndalǵany týraly habarladyq.
Sondaı-aq «Qazaqstan» teleradıokorporatsııasynyń basqarma tóraǵasy taǵaıyndalǵany týraly jazdyq.