Rýslan Janǵazov jelkendi sporttan tuńǵysh Azııa chempıony atandy
ASTANA. QazAqparat - 2-9 naýryz aralyǵynda Sıngapýrda jelkendi sporttan Azııanyń ashyq chempıonaty ótip, qazaqstandyq sportshy tarıhta tuńǵysh ret altyn medal ıelendi dep habarlaıdy Olympic.kz.
Rýslan Janǵazov jelkendi sporttaǵy laser standard boıynsha Qazaqstan tarıhyndaǵy alǵashqy altyndy jeńip aldy.
«Chempıonatqa jalpy esebi 12 elden sportshylar qatysty. Meniń baǵdarlamamda bes eldiń ókilderi baq synady. Atap aıtar bolsaq, Japonııa, Mavrıkıı araldary, Indonezııa jáne Italııa sportshylaryna qarsylas atandym. Jalpy alǵanda, qarsylastardyń da áleýeti joǵary. Mysaly, japondar álem chempıonatyna turaqty túrde qatysady. Osyndaı synda altyn alý men úshin úlken mártebe. Chempıonatqa daıyndyq jattyǵý zalynda ótti. Óıtkeni, qys aılarynda bizdiń sport ókilderi úshin qıyndaý. Degenmen, osyndaı kedergilerge qaramastan chempıon atanǵanym úshin qýanyshtymyn. Japondar meniń áleýetimdi jaqsy baǵalap, álem chempıonatyna qatysýǵa shaqyrdy. Jalpy alǵanda, elge medal ákelsem degen oıym oryndaldy», - deıdi Rýslan Janǵazov.
Budan bólek, Qazaqstan atynan synǵa túsken Karına Janǵazova 8-shi, Vladımır Şankın 13-shi orynnan kórindi.
