Rýslan Jaqsylyqov Qaýipsizdik Keńesi Hatshysynyń birinshi orynbasary boldy

ASTANA. KAZINFORM – Memleket basshysynyń ókimimen Rýslan Jaqsylyqov Qaýipsizdik Keńesi Hatshysynyń birinshi orynbasary qyzmetine taǵaıyndaldy. Bul týraly Aqordanyń baspasóz qyzmeti habarlady.

- Memleket basshysynyń ókimimen Rýslan Fatıhuly Jaqsylyqov Qazaqstan Respýblıkasy Qaýipsizdik Keńesi Hatshysynyń birinshi orynbasary laýazymyna taǵaıyndaldy, - dep jazylǵan habarlamada.

1966 jyly 4 naýryzda Almaty oblysy Qaskeleń qalasynda dúnıege kelgen.

Bilimi:

I.S. Konev atyndaǵy Almaty joǵary jalpyáskerı komandalyq ýchılışesi (1987 jyl).
M.V. Frýnze atyndaǵy Áskerı akademııa (1996 jyl).
Reseı Federatsııasy QK Bas shtaby Áskerı akademııasynyń Joǵary akademııalyq kýrstary (2004 jyl).
Pedagogıka ǵylymdarynyń kandıdaty.

Eńbek joly:

1987–1988 jj. – Orta Azııa áskerı okrýgy motoatqyshtar polki motoatqyshtar vzvodynyń komandıri.

1988–1989jj. – Orta Azııa áskerı okrýgy motoatqyshtar polki barlaý vzvodynyń komandıri.

1989–1992jj. – Túrkistan áskerı okrýgy motoatqyshtar polki barlaý rotasynyń komandıri.

1992–1993jj. – barlaý motoatqyshtar polkiniń bastyǵy.

1996j. – Qazaqstan Respýblıkasynyń Qarýly Kúshteri gvardııalyq oqý-jattyǵý ortalyǵynyń barlaý bastyǵy.

1996–1997jj. – Qazaqstan Respýblıkasy ІІM ishki áskerler brıgadasynyń shtab bastyǵy.

1997–1998jj. – Qazaqstan Respýblıkasy ІІM ishki áskerleriniń polk komandıri.

1998–2000jj. – Qazaqstan Respýblıkasy ІІM ishki áskerleri jedel taǵaıyndaý polkiniń komandıri.

2000–2004jj. – Qazaqstan Respýblıkasy ІІM ishki áskerlerdi jedel taǵaıyndaý brıgadasynyń komandıri.

2004–2006 jj. – Qazaqstan Respýblıkasy ІІM ishki áskerler brıgadasynyń komandıri.

2006–2007 jj. – Qazaqstan Respýblıkasy ІІM ishki áskerler qolbasshysynyń orynbasary.

2007–2008jj. – qolbasshysynyń birinshi orynbasary – Qazaqstan Respýblıkasy ІІM ishki áskerler bas shtabynyń bastyǵy.

2008–2013 jj. – Qazaqstan Respýblıkasy ІІM ishki áskerler qolbasshysy.

2013–2014 jj. – Qazaqstan Respýblıkasy ІІM ishki áskerlerdiń bas qolbasshysy.

2014–2021 jj. – Qazaqstan Respýblıkasy Ulttyq ulanynyń bas qolbasshysy.

2021 jylǵy qyrkúıekten 2022 jyly qańtar aralyǵynda – Іshki ister mınıstriniń orynbasary – Qazaqstan Respýblıkasy Ulttyq ulanynyń bas qolbasshysy.

2022 jylǵy 19 qańtardan – Qazaqstan Respýblıkasynyń Qorǵanys mınıstri.

2023 jylǵy 3 sáýirde qaıtadan Qazaqstan Respýblıkasynyń Qorǵanys mınıstri bolyp taǵaıyndaldy.

2025 jyly 8 maýsymda Memleket basshysy Qorǵanys mınıstri Rýslan Jaqsylyqovty qyzmetinen bosatty.

Nagradalary: І dárejeli Dańq ordeni, ІІ dárejeli Dańq ordeni, Túrkııa Respýblıkasy Qarýly Kúshteriniń ordeni jáne Qazaqstan Respýblıkasy, KSRO jáne TMD medaldary.