Rýslan Tileýbaev Haınan týrdyń ekinshi kezeńinde Azııanyń úzdik veloshabandozy atandy
ASTANA. QazAqparat - «Astananyń» veloshabandozy Rýslan Tileýbaev «Haınan týr 2016» jarysynyń ekinshi kezeńinde jeńiske jetti, máre syzyǵyn onyń sońyna ala komanda múshesi Andreı Lýtsenko qıyp ótti, dep habarlaıdy astanaproteam.kz.
Osy jeńisimen Rýslan Tileýbaev negizgi tizimniń ekinshi ornyna kóterildi, al odan bir sekýnd keshigip jetken Alekseı Lýtsenko úzdik úshtikke turaqtady.
Kezeń qorytyndysy boıynsha Rýslan Tileýbaev Azııanyń úzdik shabandozy retinde kók maıka, al Alekseı Lýtsenko jarystyń úzdik sprınteri retinde jasyl maıka aldy. «Astana» jarystyń úzdik komandasy atandy.
«Komanda jaqsy nátıje kórsetti! Artemge, Maqsatqa, Danıılǵa, Dımaǵa, Lesheǵa, Armanǵa alǵys aıtamyz. Barlyǵy sheberlikteri kórsete aldy!» - dep málimdedi jeńiske jetken Rýslan Tileýbaev.
«Bul komandalyq jeńis, - dedi ol, - barlyq taktıka men eńbek osy jeńiske baǵyttaldy, biz ony iske asyrdyq!».
