Rýslan Myrsataev: Kimmen bolsa da aıqasqa ázirmin
ASTANA. QazAqparat - Búgin Astanada «EXPO-2017» kórmesiniń aýmaǵyndaǵy amfıteatr mańynda jankúıerlerine arnap ashyq jattyǵý ótkizgen Rýslan Myrsataev kimmen bolsa da judyryqtasýǵa daıyn ekenin aıtty, dep habarlaıdy QazAqparat tilshisi.
«9 kyrkúıek kúni ótetin boks keshine daıyndyqty oıdaǵydaı jasap jatyrmyn. Qazir dál babymdamyn. Kúni erteń qarsylasymmen shyǵýǵa daıynmyn. Kimmen bolsa da judyryqtasýǵa ázirmin», dep atap ótti Rýslan Myrsatev jattyǵýdan keıin tilshilerge bergen suhbatynda.
Eske salaıyq, 9 qyrkúıek kúni Astanadaǵy «Saryarqa» velotreginde joǵaryda aty atalǵan jáne ózge de boksshylarymyz «EKSPO-2017» kórmesi aıasynda ótetin boks keshinde óner kórsetedi.
Basty jekpe-jek Qanat Islam men (24-0,19 KO) kanadalyq Brendon Kýk (18-0, 11KO) arasynda ótedi. Boksshylar birinshi orta salmaqtaǵy IBF tıtýlyna úmitkerlikke talasady. Sondaı-aq osy jekpe-jektiń anderkartynda qazaqstandyq 8 boksshy sharshy alańǵa shyǵady.
Olar: Janqosh Turarov (21-0, 15KO), Jánibek Álimhanuly (1-0, 1KO), Meıirim Nursultanov (3-0,2KO), Rýslan Myrsataev (3-0, 3KO), Álı Ahmedov (7-0,5KO), Aıdos Erbosynuly (6-0, 6KO), Dımash Nııazov (11-0-3, 5KO) jáne Nursultan Jańabaev.
