Rýslan Mádıevtiń kelesi qarsylasy belgili boldy
ASTANA. QazAqparat - Qazaqtyń kásipqoı boksshysy Rýslan Mádıev sporttyq mansabyndaǵy toǵyzynshy jekpe-jegin 6 sáýir kúni AQSh-ta ótkizedi. Qarsylasy - amerıkalyq boksshy Rıkardo Maldonado.
Jekpe-jek Kalıfornııa shtatyna qarasty Kosta Mesa qalashyǵynda ótedi. Jeńil salmaq dárejesinde ótetin kezdesý qansha raýndqa josparlanǵany ázirge belgisiz.
Rıkardo Maldonado osyǵan deıin 14 jekpe-jek ótkizgen. Onyń 7-de jeńiske jetip, 6-da jeńilgen. 1 kezdesýinde teń túsken. Al otandasymyz Rýslan Mádıev osyǵan deıin 8 kezdesý ótkizip, barlyǵynda jeńiske jetken.
Aıta keteıik, Rýslan Mádıev sońǵy jekpe-jegin de osy Kosta Mesa qalashyǵynda ótkizgen edi. Alty raýndqa josparlanǵan jekpe-jekte meksıkalyq boksshy Baltazar Ramıresti upaı aıyrmasymen jeńip shyqqan-dy.
