Rýslan Madıev WBA Asia beldigin saqtap qaldy

ASTANA. KAZINFORM – Qazaqstandyq kásipqoı boksshy Rýslan Madıev (16-2, 6KO) kezekti jekpe-jeginde jeńiske jetti.

Qazaqstandyq boksshy Taıland astanasy Bangkok qalasynda ótken kásipqoı boks keshinde basty jekpe-jeginde óner kórsetti. Qortyndysynda, Rýslan Madıev fılıppındik qarsylasy Alı Kanegamen (11-1-1, 7KO) 10 raýnd judyryqtasyp, WBA Asia tıtýlyn sátti qorǵap qaldy.

Aıta keterligi, boks keshin qazaqstandyq Irfin Promotions jáne jergilikti TL Boxing Promotion birigip uıymdastyryp otyr.

Buǵan deıin habarlaǵanymyzdaı, «Qazaq jaýyngeri» laqap atymen kásipqoı boksta óner kórsetip júrgen qazaqstandyq kásipqoı boksshy Elshat Nyǵmetolla (20-0-1, 7KO) ındonezııalyq Flasıdýs Nýnony (10-1-2, 8KO) nokaýtqa jiberip, asa jeńil salmaqtaǵy WBA Asia tıtýlyn jeńip aldy.