Rýslan Mádıev kásipqoı bokstaǵy onynshy jeńisine qol jetkizdi
ASTANA. QazAqparat - Qazaqstandyq bylǵary qolǵap sheberi Rýslan Mádıev (9-0, 4 KO) kásipqoı bokstaǵy onynshy jeńisine qol jetkizdi, dep habarlaıdy Sports.kz.
Kezekti aıqasyn Karsonda (Kalıfornııa shtaty, AQSh) ótkizgen oǵan meksıkalyq Abdıel Ramıres (23-1-1, 21 KO) qarsylas boldy. Segiz raýndtyq jekpe-jekte tóreshiler jeńisti bir aýyzdan Mádıevke berdi.
Osylaısha Rýslan kásipqoı boks mansabyndaǵy onynshy jeńisine qol jetkizdi, al Ramıres óz karerasyndaǵy ekinshi jeńilisin moıyndaýǵa májbúr boldy. Osy boks keshiniń hedlaınerleri nıkaragýalyq Roman «Chokolatıto» Gonsales (46-1, 38 KO) pen Taıland boksshysy Vısaksıl Vangek (43-4-1, 39 KO) boldy.
