Rýslan Kýrbanov Germanııadaǵy Álem kýbogy kezeńinde altyn medal jeńip aldy

ASTANA. KAZINFORM - Bul kúnderi Germanııanyń Haıdenhaım qalasynda semserlesýden álem kýbogynyń kezeńi ótip jatyr. 

Búgin Ulttyq qurama kóshbasshysy, álem chempıonatynyń qola júldegeri Rýslan Kýrbanov jekeleı synnyń jeńimpazy atandy. Ol aqtyq synda álem chempıonatynyń kúmis júldegeri Davıde dı Verolıdi (Italııa) jeńdi. Esep: 15:14.

Otandasymyzdyń jekpe-jekter nátıjesi mynadaı:
1/32 aınalym: Elmır Álimjanov (Qazaqstan) 15:14
1/16 aınalym: Davıd Nad (Majarstan) 15:13
1/8 aınalym: Akıra Komata (Japonııa) 15:11
1/4 kezeń: Nıkıta Jýlınskıı (Qazaqstan) 15:14 
Jartylaı fınal: Trıstan Tıýlen (Nıderland) 15:9 

Sonymen qatar, bul jarysta alǵash ret Ulttyq quramanyń 4 sportshysy - Rýslan Kýrbanov, Nıkıta Jýlınskıı, Kırıll Prohodov pen Aleksandr Fedotov TOP-16 qataryna kirdi. Haıdenhaımdaǵy kezeńde 44 memlekettiń 373 úzdik semserlesý sheberi kúsh synasyp jatyr.

Eske sala keteıik, byltyr jazda Grýzııa astanasy Tbılısıde ótken semserlesýden álem chempıonatynda Qazaqstan erler quramasy kishi fınalda Frantsııany jeńip, qola medal jeńip alǵan. Bul sporttyń osy túrindegi tarıhı júlde sanalady.

Aıta ketelik Ispanııadaǵy týrnırde búgin fınaldyq jekpe-jekter ótedi.