Rýslan Qurbanov Astanadaǵy semserlesýden álem kýbogynyń fınalynda baq synaıdy
ASTANA. KAZINFORM – Qazaqstan quramasynyń shpaga boıynsha ókili Rýslan Kýrbanov Astanada ótip jatqan álem kýbogynyń fınalyna joldama aldy.
Jeke saıystyń jartylaı fınalynda qazaqstandyq sportshy Davıd Nagımen (Majarstan) kezdesip, 15:13 esebimen jeńiske jetti.
Osylaısha, Rýslan Qurbanov óz jerinde ótip jatqan álem kýbogynyń altyn júldesi úshin baq synaıdy. Fınalda ýkraın sportshysy Roman Svıchkarmen kezdesedi.
Eske salsaq, buǵan deıin Rýslan Qurbanovtyń álem kýbogynyń jartylaı fınalyna joldama alǵanyn habarlaǵan edik.
Sondaı-aq semserlesýden Astanadaǵy álem kýbogyna 46 elden 500-ge jýyq sportshy qatysyp jatqanyn habarlaǵanbyz.
